Tuesday September 06, 2016

یہ غربت یہ افلاس

کے اشرف

یہ غربت یہ افلاس

یہ ورلڈ بینک

یہ آئی ایم ایف

جس جگہ یہ جاتے ہیں

بانٹتے ہیں

غربت اور افلاس

چھینتے ہیں لوگوں کے نوالے

کرتے ہیں

 بھوک اور ننگ کو عام

آخر تنگ آ کر عوام

کرتے ہیں خود کشیاں

بڑھتے ہیں جرائم

ہو جاتا ہے برائی کا چلن عام

یہ غربت و افلاس

یہ ورلڈ بینک

یہ آئی ایم ایف

نجکاری ہے ان کا جھانسا

پھینکتے ہیں یہ کچھ  

ایسا پانسا

بک جاتے ہیں سرکاری

بینک اور ملیں

ٹوٹ جاتا ہے معیشت کا بنیادی ڈھانچہ

ملتی ہے اس طرح ساہوکار کو طاقت

یا پھر سرمایہ دار کو طاقت

عوام کو ملتے ہیں

فقط بھوک اور ننگ

جس سے ہو جاتے ہیں وہ اتنے بے حال

کہ بن جاتے ہیں

ورلڈ بینک

اور آئی ایم ایف کا چارہ

اس طرح ان کے چنگل میں

رفتہ رفتہ

پھنس جاتا ہے سب ملک بے چارہ

یہ ورلڈ بینک

اور یہ آئی ایم ایف

ہیں یہ بھوک اور ننگ کے سوداگر

تم بھلا کیسے بچو گے ان سے مل کر؟