Tuesday September 06, 2016

 

 CONTENTS

 Home

 News

 Editorial

 Opinion

 Fauji's Diaries

 Story

 Letters

 Community/Culture

 PW Policy

Ashraf's Articles-1

Ashraf's Articles-2

Ashraf's Urdu Poem

About Us

 
 
 
 

The Life of Jinnah

 

 

آنکھوں میں تیرتے خواب

کے اشرف

 

ان خواب آلود آنکھوں میں

تیرتے خوابوں کی

پرچھائیوں میں

ہم اپنے چاند اور سورج

ڈھونڈھتے ہیں

 

وہ چاند اور سورج

جو ایک عرصہ سے

ہم سے گریزاں

دورکہیں آسماں کے

ان کناروں پر تیرتے رہتے ہیں

کہ ان کی روشنی

ہم تک پہنچنے سے پہلے

دم توڑ جاتی ہے

 

ہم اپنی تاریک گلیوں

اور کوچوں میں

اپنے اداس دروبام پر

کھڑے

آسماں کی طرف

 اپنے بازو پھیلاے

روشنیوں کی بازیافت کی تمنا

دلوں میں لیے

اپنی فریاد

 ہواوں کے دامن پہ لکھتے ہیں

آسماں ہماری تیرہ بختی پر

آنسو بہاتا ہے

 

ان خواب آلود آنکھوں میں

تیرتے خوابوں کی

پرچھائیوں میں

ہم اپنے چاند اور سورج

ڈھونڈھتے ہیں

 

برکلے، کیلیفورنیا

5 جنوری 2010

 

Pakistan Weekly - All Rights Reserved

Site Developed and Hosted By Copyworld Inc.