Tuesday September 06, 2016

 

 CONTENTS

 Home

 News

 Editorial

 Opinion

 Fauji's Diaries

 Story

 Letters

 Community/Culture

 PW Policy

Ashraf's Articles-1

Ashraf's Articles-2

Ashraf's Urdu Poem

About Us

 
 
 
 

The Life of Jinnah

 

 

اے صبا

کے اشرف

 

اے صبا اب اگر تم

سر زمین پاک سے گزرو

تو ہر ایک دروازے

اور ہر ایک کھڑکی

پہ دستک دو

سب بوڑھی ماوں

اور باپوں کی پیشانی

پہ بوسہ دو

ان کی نا امیدی سے

بجھتی آنکھوں کو چومو

ان کو تسلی دو

سر زمین پاک کے

سب گرد آلود

بچوں اور بچیوں

کے ہاتھو ں کو چومو

گالوں کو سہلاو

بالوں میں پیار سے

انگلیاں پھیرو

ان کی آنکھوں میں

یاسیت کے لہراتے سایوں کو

خوشی

اور

امید

کی روشنیوں میں بدل ڈالو

 

اے صبا اب اگرتم

سرزمیں پاک سے گزرو

ان دکھی اور لاچار لوگوں کو

تسلی دو

جن کے ہاتھوں کی پوریں

روٹی کے دو نوالوں تک

پہچنے سے پہلے

اپنے خوں میں نہاتی ہیں

پھر بھی روٹی نہ ملے تو

تھام کرخنجر

اپنے نو نہالوں

کے گلے کاٹ دیتی ہیں

اور پھر وہ خنجر

اپنے سینے میں اتار لیتی ہیں

 

اے صبا اب اگر تم

سرزمین پاک سے گزرو

تو ہر ایک دروازے

اور ہر ایک کھٹرکی

پہ دستک دو

سب بوڑھی ماوں

اور باپوں کی پیشانی

پہ بوسہ دو

ان کی نا امیدی سے

بجھتی آنکھوں کو چومو

ان کو تسلی دو

 

برکلے، کیلیفورنیا

26 دسمبر 2009

 

Pakistan Weekly - All Rights Reserved

Site Developed and Hosted By Copyworld Inc.